Ambasaderi Valentine Rugwabiza wari uhagarariye u Rwanda mu Muryango w’Abibumbye (UN), yagizwe Umuyobozi w’ubutumwa bwawo muri Repubulika ya Centrafrica buzwi nka MINUSCA, n’uhagarariye Umunyamabanga Mukuru wayo muri iki gihugu.
Ambasaderi Rugwabiza ahawe iyi nshingano nyuma y’umuhango wo kumusezeraho nk’uwari uhagarariye u Rwanda muri UN, wabereye i New York kuri uyu wa 23 Gashyantare 2022.
Rugwabiza asimbuye umunya-Senegal Mankeur Ndiaye wari ufite iyi nshingano kuva muri Gashyantare 2019.
Ku mwanya w’uhagarariye u Rwanda muri UN, Rugwabiza yasimbuwe n’uwahoze ari Minisitiri w’Ibikorwaremezo, Ambasaderi Gatete Claver.
