Umunyamabanga wa Leta ushinzwe Ububanyi n’Amahanga muri Leta Zunze Ubumwe za Amerika, Mike Pompeo, kuri iki Cyumweru yatangaje ko Perezida Nicholas Maduro wa Venezuela nta gihe kinini asigaje ku butegetsi nubwo Juan Guaido umurwanya akomeje kugerageza kumukura ku butegetsi ntihagire icyo bitanga.
Mu kiganiro na Televiziyo ABC News yo muri Leta Zunze Ubumwe za Amerika, Mike Pompeo yavuze ko Perezida maduro nta bashinzwe umutekano bari inyuma ye, yongeraho ko iminsi ye ku butegetsi ibaze nubwo atavuze igihe izarangirira.
Juan Guaido wemeza ko ari we Perezida wemewe wa Venezuela, mu cyumweru gishize yahamagariye abayoboke be kwigabiza imihanda yo mu murwa mukuru, Caracas, bakagakora imyigaragambyo y’iminsi ibiri yo kwamagana Leta ya Perezida Maduro, ariko abakuriye igisirikare banga kumwiyungaho.
Bikaba bivugwa ko abantu batanu mu bitabiriye iyo myigaragambyo bishwe barimo guhangana n’igipolisi.
Bwana Mike Pompeo akaba yemeza ko Amerika izakomeza gufasha abaturage ba Venezuela kongera kubona demokarasi mu gihugu cyabo.
