Ukraine yakiranye umujinya mwinshi raporo ya Amnesty International ishinja iki gihugu gushyira ubuzima bw’abasivili mu kaga ko mu ntambara yo kurwanya u Burusiya.
Muri iyo raporo, uyu muryango uharanira uburenganzira bwa muntu wavuze ko igisirikare cya Ukraine cyashyize mu kaga abasivili gishyira ibirindiro n’intwaro mu duce dutuwe turimo amashuri n’ibitaro kubera ko cyashakaga guhagarika igitero cy’u Burusiya.
Amnesty yagize iti: “Amayeri ya Ukraine yarenze ku mategeko mpuzamahanga arengera ikiremwamuntu kuko yahinduye ibintu by’abasivili mo ibipimo bya gisirikare”. “Ibitero by’u Burusiya byakurikiye mu turere dutuwe byahitanye abasivili ndetse binangiza ibikorwa remezo by’abasivili.”
Perezida wa Ukraine, Volodymyr Zelenskyy, yamaganye ibyavuye mu bushakashatsi nk’uko iyi nkuru dukesha Euronews ivuga.
Mu magambo ye ashinja Amnesty gushaka guha imbabazi igihugu cy’”iterabwoba” cy’u Burusiya, Perezida Zelensky yagize ati “Amnesty “yavanye uruhare ku wateye irushyira ku wahohotewe”.
Muri iyi raporo yayo, ngo ishingiye ku byumweru byinshi by’ubushakashatsi muri Kharkiv, Donbas na Mykolaiv, Amnesty yahamagariye Igisirikare cya Ukraine kubahiriza amategeko.
