Ikipe ya APR FC yamaze kugera i Tunis mu gihugu cya Tunisia, nyuma y’urugendo rw’amasaha abarirwa muri 17.
Ku mugoroba w’ejo ku wa Kabiri ni bwo iyi kipe y’Ingabo z’Igihugu yahagurutse i yerekeza muri Tunisia, aho yitabiriye umukino wo kwishyura wa CAF Champions league ugomba kuyihuza na US Monastir.
Ni umukino uteganyijwe ku Cyumweru, nyuma y’ubanza wabereye kuri Stade ya Huye APR FC yatsinze ku gitego 1-0.
Mu kanya kashize ni bwo APR FC yageze i Tunis, nyuma yo guca mu bihugu bya Kenya na Qatar aho abakinnyi bayo baraye.
Biteganyijwe ko nyuma yo kugera mu murwa mukuru wa Tunisia APR FC ikora urugendo rurenga ibirometero 100 n’imodoka yerekeza i Monastir, ari na ho umukino wo kwishyura uzabera.
Iyi kipe y’Ingabo z’Igihugu ifite dĂ©lĂ©gation igizwe n’abantu 41, barimo abakinnyi 25, abo muri staff techniques 11, abo muri komite batatu ndetse n’abanyamakuru babiri.
Mu gihe yaba ishoboye gusezerera US Monastir, mu ijonjora rya kabiri rya CAF Champions league yazahura na Al Ahly yo mu Misiri.
