Abarwanyi bane bo mu nyeshyamba za RED- Tabbara zikomoka mu Burundi bishwe n’igisirikare cya Leta ya Congo (FARDC) abandi batandatu bafatwa mpiri.
Aba bafashwe bafungiye muri kasho y’ingabo za FARDC, kuva ku wa Kabiri tariki ya 23 Ukwakira 2018, i Uvira muri Kivu y’Amajyepfo, muri Repubulika Iharanira Demokarasi ya Congo.
Igisirikare cya Congo, gitangaza ko habayeho imirwano hagati yacyo n’izi nyeshyamba za RED-Tabbara, ku wa Mbere tariki ya 22 Ukwakira, aba bane bakaba bariciwe mu gace ka Rubarika.
Izi nyeshyamba ngo zikaba zambuwe imbunda 22 zo mu bwoko bwa Kalashnikov, abafashwe bakaba bemeje ko batari mu bagabye igitero ku ngabo z’u Burundi, mu gace ka Nyamitanga, Komini Buganda, Intara ya Cibitoke cyahitanye abasirikare bane ba Leta y’u Burundi.
