Israel yatangaje ko yishe umugaba mukuru wa Hezbollah, Haytham Tabtabai mu gitero cyagabwe i Beirut, kikaba kibaye igitero cya mbere cya Israel muri uyu mujyi kuva muri Kamena.
Ku mugoroba wo ku Cyumweru, gishyira kuri uyu wa Mbere, Israel yatangaje ko yishe Haytham Tabtabai, ukekwaho kuba yari umugaba mukuru wa Hezbollah, mu gitero cyagabwe ku murwa mukuru wa Liban.
Ubuyobozi bwaho buvuga ko igitero cyagabwe mu nkengero z’amajyepfo cyahitanye abantu batanu abandi 25 barakomereka. Nibwo bwa mbere Israel igabye igitero i Beirut kuva muri Kamena.
Minisitiri w’Ingabo muri Israel, Israel Katz, mu itangazo rye yagize ati: “Tuzakomeza gukorana imbaraga kugira ngo twirinde ikintu cyose cyabangamira abatuye mu majyaruguru na Leta ya Israel.”
Hezbollah mbere yavuze ko umuntu mukuru ashobora kuba yiciwe muri icyo gitero, ariko ntiyatanga ibisobanuro birambuye. Haytham Tabtabai yafatwaga nka numero ya 2 kuri Naim Qassem, Umunyamabanga Mukuru wa Hezbollah
