DGPR

Kwamamaza

Kwamamaza

Bidasubirwaho, perezida Trump agiye guhura na mugenzi we wa Koreya ya Ruguru

0

Perezida w’Amerika Donald Trump yatangaje ko bitarenze ukwezi kwa Kamena aba yabonanye na mugenzi we wa Koreya ya Ruguru Kim Jong Un bakaganira amaso ku maso ibyerekeye ibitwaro bya kirimbuzi.

Abinyujije ku rubuga rwa Twitter, perezida Donald Trump yagize ati “Niduhura bizaba ari ibihe bidasanzwe kuko tuzaganira ibintu bifitiye isi umumaro bigamije kuyigarurira amahoro.”

Perezida Trump akomeza avuga ko uyu munsi wo guhura kwe na perezida Jong Un uzaba udasanzwe kuko ari ubwa mbere mu mateka kuri we azaba ahuye n’ikindi gikomerezwa muri ppolitiki no mu buhangange mu bijyanye n’imbaraga za kirimbuzi .

Biteganyijwe ko aba bakuru b’ibihugu byombi bazahurira mu nama iteganyijwe ku itariki ya 12 Kamena mu gihugu cya Singapore.

Umujyanama mu by’umutekano muri Amerika, John Bolton yagize ati “igishimishije kuri twe, ni uko perezida Trump azabasha kuganira na mugenzi we ku kibazo kimaze igihe kimuremereye cyo guhagarika ibikorwa byo gukoresha ibitwaro bya kirimbuzi nta kurasana kubayeho.

Uyu muyobozi yongeyeho ko mu gihe Kim yemeye guhagarika ikoreshwa ry’ibitwaro bya kirimbuzi, bizaba amahirwe menshi kuri we, yo kunguka abanshoramari, umubano mwiza n’isi yose ndetse n’igihugu kikagira umutekano uhamye.

Tanga igitekerezo cyawe

Your email address will not be published.