Umuhanuzi Temitope Bolagun Joshua (TB Joshua) washinze itorero rya Synagogue Church Of All Nations (SCOAN) yibutsa abakunzi be n’abandi bamukurikira, bimwe mu byo yahanuye mu bihe bitandukanye, bikaba.
Ibi bigaragara ku mbuga nkoranyambaga z’uyu muvugabutumwa, aho ibyinshi yabitangaje kuri uyu wa 22 Ugushyingo 2020.
Ni ibikurikira:
- TB Joshua yavuze ko tariki ya 6 Kamena 2020 yahanuye ko Afurika y’Epfo yari yakiriye irushanwa ry’igikombe cy’Isi izagwa miswi na Mexique. Icyo gihe ku mukino wo gufungura irushanwa, iyi kipe y’igihugu cyo muri Afurika yari yafunguye izamu mbere, yishyuwe ku munota wa 79, umukino urangira utyo.
- Tariki ya 4 Mutarama na 22 Gashyantare 2009, TB Joshua yavuze ko yahanuye ko icyamamare gikomeye kizajya mu rugendo ntikiragure. Tariki ya 25 Kamena 2009, umuhanzi Michael Jackson yarapfuye.
- Tariki ya 3 Mata 2014, TB Joshua yahanuye ko hari icyiza kizaba ku mubano wa Koreya zombi zigeze kumara igihe mu ntambara, nyuma gato abakuru b’ibihugu byazo barahura, bajya ku butaka bw’ibihugu byombi, barangije barahoberana.
- Ngo ubwo yari mu masengesho yo ku Cyumweru y’itorero rye rya SCOAN, yahanuye ko ahantu hitwa ‘Fort’ mu gihugu cy’igihangange hazaraswa. Ngo ibyo byasohoye tariki ya 5 Ugushyingo 2009, umusirikare w’ingabo za Leta Zunze Ubumwe z’Amerika arasa bagenzi be 12 barapfa ndetse akomeretsa n’abandi 31 mu birindiro by’ingabo bya Fort Hood muri leta ya Texas.
- Mu gihe Nigeria yashakaga itike yo kujya mu mikino y’Igikombe cy’Isi cyo mu 2010, TB Joshua yahanuye ibigomba kuva mu mikino ibiri. Umukino wahuje Nigeria na Tunisia tariki ya 6 Nzeri 2009, amakipe yombi yaranganyije, tariki ya 11 Ukwakira 2009, Nigeria itsinda Mozambique igitego 1-0. Ngo yavuze ko kuri uyu mukino, Nigeria itsinda igitego cy’umutwe, icyo ikibona ku munota wa 93.
- Hanyuma tariki ya 15, 25 Werurwe na 12 Mata 2014, TB Joshua yahishuye ko indege y’ikigo cya Malaysian Airlines yaburiye mu gace k’inyanja y’Ubuhinde. Tariki ya 29 Nyakanga 2014, ngo abahanga baje kuyisanga aho ngaho.
Hari ibindi TB Joshua yahanuye, nk’aho yavuze ko iby’amatora y’Umukuru w’Igihugu wa Leta Zunze Ubumwe z’Amerika bizakemukira mu Rukiko rw’Ikirenga. Yabihanuye tariki ya 1 Ugushyingo 2020, habura iminsi ibiri ngo amatora abe. Ubu haracyategerejwe niba ubuhanuzi bw’uyu muvugabutumwa buzasohora nk’uko n’ubundi bwagiye busohora.
6 Responses
Bimwe mu byo TB Joshua yemeza ko yahanuye bigasohora
Jye mwibukira aho yari yavuze ngo “”CORONA izarangira kuri 27 z, ukwa 3 2020 mu buryo bw, amayobera” . Hageze, arabihindukiza ngo yavuze ko izaba itangiye gushira. None turacyayirimo.
Bimwe mu byo TB Joshua yemeza ko yahanuye bigasohora
Ubwo buhanuzi bufise iyihe ntumbero? Ni kugira abantu twihanane tugaruke ku Mana? Canke nikugira twemere TB Joshua?
Bimwe mu byo TB Joshua yemeza ko yahanuye bigasohora
Ubwo buhanuzi bufise iyihe ntumbero? Ni kugira abantu twihanane tugaruke ku Mana? Canke nikugira twemere TB Joshua?
Bimwe mu byo TB Joshua yemeza ko yahanuye bigasohora
Jye mwibukira aho yari yavuze ngo “”CORONA izarangira kuri 27 z, ukwa 3 2020 mu buryo bw, amayobera” . Hageze, arabihindukiza ngo yavuze ko izaba itangiye gushira. None turacyayirimo.
Bimwe mu byo TB Joshua yemeza ko yahanuye bigasohora
Ni ubuhanuzi? Kwerekwa canke guhishurirwa? Uko vyokwitwa kose, ivyakino gihe biteye amakenga kuko ni benshi bavuga ngo barahanuye biraba. Gusa ubuhanuzi bwanditse muri bibiliya butandukanye n’ubw’ubu kuko muri bibiliya abavugishwa, bavugishwa baburira abantu ngo bahindukire bave munzira mbi, bagatanga ibimenyetso kugira abantu bamenye ko batumwe n’Imana gutyo bihane bakurikire Imana. None ubwo buhanuzi bwa TB Joshua bufise iyihe ntumbero? 1) yo gutuma abantu bagaruka ku Mana akaba ariyo bakurikira? 2) canke yo gutuma umuhanuzi yemerwa n’abantu?
Bimwe mu byo TB Joshua yemeza ko yahanuye bigasohora
Ni ubuhanuzi? Kwerekwa canke guhishurirwa? Uko vyokwitwa kose, ivyakino gihe biteye amakenga kuko ni benshi bavuga ngo barahanuye biraba. Gusa ubuhanuzi bwanditse muri bibiliya butandukanye n’ubw’ubu kuko muri bibiliya abavugishwa, bavugishwa baburira abantu ngo bahindukire bave munzira mbi, bagatanga ibimenyetso kugira abantu bamenye ko batumwe n’Imana gutyo bihane bakurikire Imana. None ubwo buhanuzi bwa TB Joshua bufise iyihe ntumbero? 1) yo gutuma abantu bagaruka ku Mana akaba ariyo bakurikira? 2) canke yo gutuma umuhanuzi yemerwa n’abantu?