Umutwe wa M23 ubarizwa mu Burasirazuba bwa Repuburika Iharanira Demokarasi ya Congo, biravugwa ko wafashe mpiri abasirikare batatu ba FARDC.
Ni amakuru yatangajwe nyuma y’uko kuri uyu wa Gatanu habaye imirwano ikomeye mu gace ka Sake mu marembo ya Goma.
Amakuru avuga ko aba basirikare M23 yafashe bari bari mu bayigabyeho igitero maze ihita ibafata mpiri inica abagera ku icyenda.
Lt Colonel Njdike Kaiko Guillaume yashinje M23 gutera ikibombe muri Birere ariko avugako nta we cyakomerekeje cyangwa ngo kigire uwo gihitana, gusa ku ruhande rwa M23 yari itaragira icyo itangaza.
Ni mu mirwano yabaye kumunsi w’ejo hashize tariki ya 12/01/2024, aho yarimo ihuza M23 n’ihuriro ry’Ingabo za RDC, byemezwa neza ko iriya mirwano yabereye mu gace ka Birere, gaherereye mu nkengero za Sake.
Amakuru atangazwa na MCN, avuga ko mu mirwano yahuje Ingabo z’u mutwe wa M23 n’ihuriro ry’Ingabo za Guverinoma ya Kinshasa harimo n’Ingabo za SADC , inyinshi muri zo akaba arizo zishwe.
