Bob Marley agiye kubakirwa urwibutso muri Zimbabwe

6

Ubuyobozi bw’igihugu cya Zimbabwe bwatangaje ko buri gushakisha umushushanyi ubizi neza ngo azashushanye urwibutso rw’ishusho ya Bob Marley ku kibuga cy’umupira cya Rufaro i Harare.
Impamvu y’aha hazashyirwa iki gishushanyo ni uko ariho Bob Marley yacurangiye bwambere mu mwaka w’i 1980 ubwo iki gihugu cyahindukaga Zimbabwe dore ko mbere cyitwaga Rhodesie du Sud .
Ibi bije nyuma y’icyumweru kirengaho iminsi micye hijihijwe isabukuru y’uyu muhanzi w’icyamamare mu njyana ya Reggae, aho yabaye tariki ya 06 Gashyantare mu gihugu cye cy’amavuko cya Jamaica.
Andi makuru aturuka mu binyamakuru byo muri Zimbabwe aravuga ko bamwe mu bagize umuryango wa Bob Marley batangiye kuganira na Martin Chemhere ufatwa nk’umuvugizi wa Zimbabwe mu binyamakuru ngo barebere hamwe uburyo banoza ibijyanye no kubaka igishushanyo cye.
Amafaranga azakora iki gikorwa azatangwa n’igihugu cya Zimbabwe ndetse n’undi muntu uwari wese wakwifuza gutanga inkunga akaba yabikora.
Bob Marley afatwa nk’umuntu ukomeye cyane muri Zimbabwe dore ko bimwe mu bihangano bye byagiye bivugira iki gihugu ndetse no kumunsi iki gihugu cyafatiye izina rya Zimbabwe uyu muhanzi akaba yaraje kubataramira ku buntu, nyuma yo kwanga amafaranga bari bamugeneye ngo bamwishyure agahitamo kuyashyira mu bikorwa by’ubuvuzi.
Kanda Subscribe ujye ubona Video zigezweho 

JD Dushimimana – bwiza.com
 

Musubize:

Tanga igitekerezo
Andika amazina