Umunyapoliki utavuga rumwe n’ubutegetsi muri Uganda Robert Kyagulanyi, uzwi nka Bobi Wine, yafashwe ahita afungwa ubwo yari mu myigaragambyo i Kampala. Uyu munyepolitiki yari ayoboye itsinda ry’abadepite bo mu ishyaka rye, National Unity Platform, mu myigaragambyo yo kwamagana gufungwa no kunyuruza abamushyigikiye kuva mbere, mu gihe na nyuma y’amatora yo kuwa 14 Mutarama 2021. Ibinyamakuru bimwe byo muri Uganda na BBC bitangaza ko abashinzwe umutekano kuwa mbere barashe imyuka iryana mu maso mu gutatanya ikivunge cy’abigaragambya bari kumwe n’aba badepite. Bobi Wine ubwo yari amaze gutabwa muri yombi Bobi Wine ku cyumweru yahamagariye abamushyigikiye kwifatanya na we mu myigaragambyo mu mahoro yamagana ibyavuye mu matora. Gufungwa kwa Bobi Wine mu Gushyingo kwakurikiwe n’imyigaragambyo ikomeye aho abagera kuri 50 bayiguyemo. Kurikira ibiganiro n’amavidewo binyura kuri Bwiza TV
