Seleman Uwihanganye nk’umuhanzi Nyarwanda ukorera umuziki mu gihugu cy’u Bubiligi, mu gihe habura amasaha make ngo akorane igitaramo n’icyamamare Diamond Platnumz guturuka muri Tanzaniya, uyu muhanzi yasohoye indirimbo Nikupende yaririmbye mu Kinyarwanda n’igiswahili.
Aganira na Bwiza.com kuri uyu wa Gatanu tariki ya 1 Mata 2016, yatangaje ko yasohoye iyi ndirimbo kugirango aze no kuyiririmba ashimisha abafana be mu gitaramo araba afite ku mugoroba.
Ati: “Iraza kumfasha gushimisha abafana uyu munsi muri concert mfitanye na Diamond hano i Bruxelles, ni indirimbo nziza , ni iy’urukundo yakozwe na producer Pastor P…
Iyi ndirimbo ikubiyemo amagambo yuje urukundo ndetse anaryohereye, “Acha, nikupende (à—3) njoo kalibu kwangu duceze duceze duceze al,….uri impano Imana impaye, sinakwitesha ahubwo nzagutonesha, oh baby!…”.
Yakomeje avuga ko akora ibishoboka byose kugirango agere ku byo abafana be bifuza, ati: “Nzakomeza nshakishe icyashimisha abafana banjye”.
Seleman ni umuhanzi Nyarwanda ukomeje kugaragaza imbaraga zidasanzwe mu guteza imbere muzika nyarwanda mu ruhando rw’amahanga, akaba yaragiye akorana ibitaramo n’ibyamamare bitandukanye birimo na Iyanya guturuka muri Nigeria ubu akaba agiye gukorana na Diamond ubu urimo kubica bigacika muri Afurika n’ahandi.
Uyu muhanzi kandi yakoranye indirimbo ” Kamwe ” na Washington guturuka muri Uganda, arongera akorana na Jay Polly nk’umuraperi ukunzwe cyane mu Rwanda mu ndirimbo bise (Ndakubona),…
Igitaramo ari buririmbanemo na Diamond kirabera mu mujyi i Bruxelles nk’uko bigaragara ku cyapa cyamamaza igitaramo.
Indirimbo: Nikupende by Seleman
[youtube http://www.youtube.com/watch?v=tTGG9zD4H04]
Kanda hano ujye ubona amakuru yihuse kandi kugihe kuri Facebook no kuri twitter
Theoneste Itangishatse/Bwiza.com
