Inzego z’umutekano zo mu bihugu bigize Umuryango uhuza Abayobozi Bakuru ba Polisi mu Karere ka Afurika y’Iburasirazuba (EAPCCO), zitabiriye imyitozo ihuriweho yo kurwanya iterabwoba, ibera mu Rwanda.
Iyi myitozo itangizwa ku mugaragaro kuri uyu wa Kane, tariki 28 Gicurasi 2026, irabera mu Kigo cy’Amahugurwa yo kurwanya Iterabwoba (CTTC) giherereye i Mayange mu Karere ka Bugesera.
EAPCCO (The Eastern Africa Police Chiefs Cooperation) ni urwego rwa polisi mu karere aho abanyamuryango barwo bagizwe n’abayobozi ba Polisi bo mu bihugu 14.
Yashinzwe mu 1998 hagamijwe guhuza, gushimangira ubufatanye bwa polisi n’ingamba zihuriweho, gusangira amakuru ajyanye n’ibyaha no guhuza amategeko hagamijwe kongerera ubushobozi inzego zishinzwe kubahiriza amategeko mu kurwanya ibyaha byambukiranya ibihugu byateguwe.
