Guverineri w’Intara ya Kivu y’Amajyaruguru, Théo Ngwabidje Kasi amaze gutangaza ko abarwanyi 6 mu bagabye igitero mu mujyi wa Bukavu bishwe, abandi 36 bafatwa mpiri, bane barakomereka.
Uyu muyobozi yatangaje ko kandi abasirikare babiri n’umupolisi umwe nabo biciwe mu mirwano n’abarwanyi b’uyu mutwe witwaje intwaro.
Yavuze ko inzego z’umutekano zafashe intwaro 14 z’aba barwanyi, bigaragara ko zose ari Ak-47.
Aba barwanyi bagabye iki gitero mu masaa saba y’urukerera rwo kuri uyu wa 3 Ugushyingo 2021, batangira gukozanyaho n’abasirikare kugeza mu masaa mbiri y’igitondo.
Guverineri Kasi avuga ko nyuma yo operasiyo yo guhiga aba barwanyi, umutekano wamaze kugaruka muri Bukavu.
