Mu Burundi, abantu 3 barimo abagabo babiri n’umwana w’umuhungu w’imyaka 10 bishwe barashwe n’abantu batamenyekanye ku mugoroba wo kuri uyu wa gatandatu tariki ya 14, ubu bwicanyi bukaba bwabereye mu gace ka kavumu muri komine Kanyosha.
Nk’uko bitsngazwa n’ijwi ry’Amerika, ubu bwicanyi bwakozwe n’abantu bikekwa ko batunze intwaro mu buryo butemewe n’amategeko muri kariya gace, bakaba batangiriye aba bantu mu nzira bakabarasa.
[xyz-ihs snippet=”google-pub”]
Inzego z’umutekano zo muri turiya duce zavuze ko aba bantu 3 b’abasivili bishwe barashwe barimo uwitwa Vincent Nshimirimana, Serge Mpawenimana hamwe n’umwana w’umuhungu w’imyaka 10, Oscar Nsengiyumva batangiriwe n’abantu bataramenyekana na nubu bakabamenaho urufaya rw’amasasu ubwo bari mu nzira berekeza iwabo.
Kugeza ubu icyo aba bantu bazize ntikiramenyekana gusa bakaba bari no mu miryango itandukanye.
Abaturage bo muri aka gace aba bantu barasiwemo batangarije ijwi ry’Amerika ko aka gace karimo intwaro nyinshi zihishe mu baturage mu buryo butemwe n’amategeko, bityo bagasaba ko ibikorwa byo gusaka byashyirwamo ingufu kuko batinze aba baturage bashobora kumarana.
Nubwo nta barahamwa n’iki cyaha cy’ubwicanyi, umuvugizi w’igipolisi cyo muri kariya gace yataye muri yombi abantu 6 bikekwa ko ari ababa bakorana na Agathon Rwasa
Aba bantu 3 barashwe baje bakurikirana n’abandi 5 nabo baherutse kurasirwa muri aka gace ka Kanyosha kuva uyu mwaka wa 2017 watangira.
[xyz-ihs snippet=”google-pub”]
Ikibazo cy’abantu bicwa barashwe mu Burundi gukomeje gufata indi ntera aho abitwaje intwaro batarobanura abo kwica barimo n’abo mu nzego z’ubuyobozi.
Ni nyuma y’uko mu kwezi k’Ukuboza 2016 Minisitiri w’ibidukikije Emmanuel Niyonkuru yishwe arashwe mu mujyi wa Bujumbura ndetse na Willy Nyamitwe warashwe nawe mu mpera z’uriya mwaka ku bw’amahirwe akarokoka hagapfa umwe mu bamurindaga.
Kugeza ubu kandi, umuvugizi w’igipolisi cy’u Burundi nta cyo arabasha kuba yatangaza kuri uru rupfu rw’aba bantu.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
