Abantu bagera kuri 5 nibo bishwe mu gitero cyakozwe n’abantu bataramenyekana mu ijoro ryo kuri uyu wa mbere tariki ya 11 Mata 2016, muri komine Gisuru, intara ya Ruyigi. Abagera kuri 7 nibo bamaze kumenyekana ko bakoremeretse.
Icyo gitero cyabaye nk’igihe cy’isaha imwe , hafi y’isoko rya Munyinya. Abashinzwe umutekano bakaba bemeje ko ari abantu bagera 10 bagabye igitero baturutse muri Tanzaniya binjirira muri komine Gisuru.
Amakuru ava muri komine Gisuru intara ya Ruyigi, ahabereye icyo gitero, avuga ko abantu batanu aribo bishwe abandi 7 barakomereka
Ayo makuru avuga ko icyo gitero cyaba cyakozwe n’Imbonerakure za CNDD FDD zari ziri muri ako gace, ziri mu kabari zahaze inzoga.
Icyo gitero cyaje gikurikiye ikindi cyari cyakozwe mu minsi ishize, hicirwa umupolisi umwe hamwe n’umuyobozi w’ishuri rya Kavumwe.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Theoneste/Bwiza.com
