Kuri uyu wa Mbere, itariki ya 8 Nzeri 2025, Igisirikare cy’u Burundi (FDNB) cyatangaje ko hateganyijwe imyitozo ya gisirikare isanzwe ibera mu kigo cya Batayo ya 111 y’ingabo zirwanira ku butaka i Gatumba.
Igisirikare cy’u Burundi mu itangazo ryacyo cyatangaje ko haza kumvikana urusaku rw’intwaro zitandukanye gisaba abaturage bahaturiye kudakuka umutima.
“Ntawe ukwiye guhagarika umutima; ibintu byose byateguwe neza kandi byizewe,” ibi byatangajwe n’Umuvugizi wa FDNB, Brig. Gen. Gaspard Baratuza , kuri X, nyuma y’itangazo ry’umuyobozi w’iyi nkambi ya gisirikare iberamo imyitozo, Lt. Col. Hatungimana Ernest.
Umujyi wa Gatumba uherereye mu burengerazuba bw’u Burundi, muri kilometero 13 uvuye mu Mujyi wa Bujumbura, umurwa mukuru w’ubukungu; kandi ni muri kilometero zitageze kuri 5 uvuye ku mupaka wa Kavimvira uhuza u Burundi na DRC
