Kuri uyu wa Gatandatu itariki 22 Mutarama 2022, Komite Nshingwabikorwa y’ishyaka CNDD rya Leonard Nyangoma wahoze ari umudepite yateranye yirukana abayoboke baherutse gutangaza ko birukanye Nyangoma ku buyobozi.
Aba bayoboke bavugwaho kujya mu itangazamakuru muri iki cyumweru bagatangaza ko bashinze komite ishinzwe kurengera ishyaka birukana Leonard Nyangoma ku buyobozi bw’ishyaka bamusimbuza Gaspard Kobako.
Gaspard Kobako, wahoze ari umuvugizi wa CNDD, nk’uko inkuru dukesha UBMNews ivuga, yahise asimburwa na Godeberthe Nshimirimana muri uwo mwanya.
Naho uwitwa Basabose Jean-Claude, wari usanzwe ari Umunyamabanga Nshingwabikorwa w’iri shyaka, nawe yasimbujwe Rose Ntakarutimana nk’uko itangazo ryashyizweho umukono n’Umunyamabanga Mukuru Wungirije wa CNDD, Gratien Nizigama, rivuga.
