Umwe mu rubyiruko rw’Imbonerakure rubarizwa mu ishyaka CNDD-FDD riri ku butegetsi mu Burundi, yishwe n’ibikomere yatewe n’inkoni yakubiswe n’abayoboke b’ishyaka CNL rya Agathon Rwasa.
Nk’uko bitangazwa n’ikinyamakuru sosmedia/Burundi, ngo iyi Mbonerakure yapfiriye mu bitaro (Hôpital Kira de Bujumbura), ku wa Mbere w’iki cyumweru, abandi bane ngo bakaba bagifite ibikomere.
Iki kinyamakuru gitangaza ko urupfu rw’iyi Mbonerakure ruvuye ku ugushyamirana kwabayeho hagati y’Imbonerakure n’abayoboke ba CNL, mu Ntara ya Bujumbura, Komini Mubimbi, agace ka Burenza, ku wa 25 Kanama 2019.
Nk’uko ubuyobozi bwa CNL bwabitangaje, ngo kuri iyi tariki yatangajwe, ubwo batahaga nijoro baguye mu gico cy’Imbonerakure, bafatana mu mashati gutyo birangira umwe muri bo (CNL) yishwe. Abandi barakomereka.
Muri Batanu bari bakomeretse ku ruhande rwa CNDD-FDD, harimo uwitwa Serges Nsengiyumva, wari usanzwe ari umuyobozi mu gace ka Mutanyagwa, uyu akaba ari na we wishwe n’ibikomere. Kanda hano usome inkuru bifitanye isano.
