Ibice bibiri by’ishyaka UPRONA, icyari kiyobowe na Evariste Ngayimpenda , n’ikindi cyemewe n’amategeko cyari kiyobowe na Olivier Nkurunziza byatangaje ko byongeye kwishyira hamwe ku mugoroba wo kuri uyu wa Gatatu, itariki 3 Gicurasi 2023 .
Olivier Nkurunziza yatangaje ko hari hashize umwaka urengaho ukwezi bari mu biganiro hagati y’impande zombi kugira ngo bagere kuri iki cyemezo.
Nk’uko tubikesha urubuga UBMNews rwo mu Burundi, Nkurunziza asobanura ko babikoze mu rwego rwo kurushaho guha imbaraga iri shyaka ryashinzwe n’Igikomangoma Louis Rwagasore.
Uruhande rwa Evariste Ngayimpenda, rwo ruvuga ko rwagendeye ku mugani wo mu Kirundi ugira uti “ubugirigiri bugira babiri” ndetse hagendewe no ku ruhare iri shyaka rifite muri politiki y’u Burundi.
