Impirimbanyi y’uburenganzira bwa muntu yo muri Sosiyete Sivile y’u Burundi, iri mu maboko y’inzego z’ubutasi kuva kuri uyu wa kane ushize, aho akurikiranweho gushaka guhungabanya umutekano w’igihugu nk’uko byatangajwe kuri uyu wa Gatanu n’igipolisi.
Uyu witwa Germain Rukuki, yatawe muri yombi mu gitondo cyo kuwa kane afatiwe mu gace ka Ngagara nyuma y’umukwabu ukomeye w’igipolisi nk’uko byemezwa n’abatangabuhamya bavuga ko abapolisi bari bagose aka gace kuva mu rukerera.
[xyz-ihs snippet=”google-pub”]
“ Germain Rukuki yafatiwe iwe muri Ngagara, afungiye kuri SNR (Inzego z’ubutasi z’u Burundi) azira gushaka guhungabanya w’imbere mu gihugu ”, uyu akaba ari umuvugizi w’igipolisi, Pierre Nkurikiye ku rukuta rwe rwa twitter.
Izindi mpirimbanyi z’uburenganzira bwa muntu mu Burundi zahise zitangira kwamagana iri tabwa muri yombi rya Rukuki. Uwitwa Armel Niyongere, umwe mu mpirimbanyi za sosiyete sivile y’u Burundi zizwi, avuga ko bamaganye iri tabwa muri yombi ry’impirimbanyi y’uburenganzira bwa muntu ngo watawe muri yombi n’igipolisi cya perezida muri SNR kitwara nka leta mu yindi.
Rukuki watawe muri yombi asanzwe ari umucungamutungo w’ishyirahamwe ry’abanyamategeko b’Abagaturika mu Burundi (AJCB), umwe mu miryango micye itegamiye kuri leta igikanyakanya nk’uko iyi nkuru dukesha AFP ikomeza ivuga. Indi miryango yarahagaritswe, abari bayigize benshi bahungira hanze y’igihugu ubwo ibibazo bya politiki mu Burundi byadukaga mu 2015.
Ibi bibazo rero bivugwa ko bimaze kugwamo abantu babarirwa hagati ya 500 n’2000 nk’uko byemezwa n’Umuryango w’Abibumbye n’imiryango itegamiye kuri leta, byatangiye muri Mata 2015 nyuma y’icyemezo cya perezida Nkurunziza cyo kwiyamamariza indi manda.
Kuva icyo gihe, urwego rw’ubutasi (SNR) bivugwa ko ruha raporo perezida Nkurunziza wenyine rwakomeje gushinjwa n’Umuryango Mpuzamahanga kuba rwifashishwa na perezida Nkurunziza mu gukanda abatavuga rumwe nawe ndetse n’ibyaha bitandukanye birimo ubwicanyi, iyicarubozo no kuburisha abantu.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
