Umunya-Argentine Lionel Messi, ntari mu bakinnyi 30 bazatoranywamo ugomba guhabwa Ballon d’Or ya 2022 nyuma yo kugira umwaka mubi muri PSG akinira.
Ejo ku wa Gatanu ni bwo ikinyamakuru France Football gitanga Ballon d’Or cyatangaje abakinnyi 30 bagomba gutoranywamo uhabwa Ballon d’Or ya 2022.
Ni urutonde rwabayemo ugutungurana gukomeye nyuma y’uko Messi arubuzeho, nyamara ari we wahawe iki gihembo mu mwaka ushize wa 2021.
Umunya-Portugal Cristiano Ronaldo usanzwe afatwa nk’umukeba we ari kuri uru rutonde, gusa umunya-BrĂ©sil Neymar basanzwe bakinana muri PSG na we nta wuririho.
Messi kuri ubu ufite umuhigo wo gutwara Ballon d’Or zirindwi ni ku ncuro ya mbere mu myaka 17 ishize abuze ku rutonde rw’abahatanira kiriya gihembo gihabwa umukinnyi uhiga abandi ku Isi.
Ballon d’Or ya karindwi uyu munya-Portugal yayegukanye mu mwaka ushize ahigitse umunya-Pologne Robert Lewandowski.
Cyakora cyo kuva Messi avuye muri FC Barcelone akerekeza muri PSG ubuzima ntibwakomeje kuba bumwe, kuko umwaka we wa mbere muri iyi kipe y’i Paris wamugoye cyane.
Ni umwaka yatsinzemo ibitego bitandatu byonyine muri shampiyona y’Abafaransa.
Kuri ubu Umufaransa Karim Benzema usanzwe akinira Real Madrid yo muri Espagne ni we uhabwa amahirwe yo kwegukana Ballon d’Or y’uyu mwaka, nyuma yo kwitwara neza mu mwaka ushize w’imikino.
Benzema uheruka guhita kuri RaĂąl GonzĂ lez nka rutahizamu wa kabiri watsindiye Real Madrid ibitego byinshi mu mateka yayo, yagize uruhare rugaragarira buri wese mu gutuma Real Madrid itwara ibikombe birimo icya shampiyona ya Espagne na UEFA Champions league.
Iyi kipe y’ibwami kandi aheruka kuyifasha kwegukana UEFA Super Cup itsinze Frankfurt yo mu Budage ibitego 2-0.
Urutonde rw’abakinnyi 30 bazatoranywamo uhabwa Ballon d’Or 2022
Thibaut Courtois (Real Madrid)
Rafael Leao (AC Milan)
Christopher Nkunku (RB Leipzig)
Mohamed Salah (Liverpool)
Joshua Kimmich (Bayern Munich)
Trent Alexander-Arnold (Liverpool)
Vinicius Jnr (Real Madrid)
Bernardo Silva (Manchester City)
Luis Diaz (Liverpool)
Robert Lewandowski (Barcelona)
Riyad Mahrez (Manchester City)
Cristiano Ronaldo (Manchester United)
Antonio Rudiger (Real Madrid)
Kevin De Bruyne (Manchester City)
Luka Modric (Real Madrid)
Erling Haaland (Manchester City)
Dusan Vlahovic (Juventus)
Joao Cancelo (Manchester City)
Kylian Mbappe (PSG)
Virgil van Dijk (Liverpool)
Casemiro (Real Madrid)
Son Heung-min (Tottenham)
Fabinho (Liverpool)
Karim Benzema (Real Madrid)
Mike Maignan (AC Milan)
Harry Kane (Tottenham)
Darwin Nunez (Liverpool)
Phil Foden (Manchester City)
Sadio Mane (Bayern Munich)
Sebastian Haller (Borussia Dortmund).
