Visi Perezida wa Botswana, Slumber Tsogwane, yatangaje ko hazakorwa iperereza ku gitero ingabo zabo ziri mu butumwa bw’amahoro mu ntara ya Cabo Delgado muri Mozambique, bivugwa ko zagabweho n’indaya.
Nk’uko ikinyamakuru DW cy’Abadage kibivuga, muri Mata 2022 ikinyamakuru cyo muri Botswana cyatangaje ko ingabo z’igihugu ziri muri Cabo Delgado zatewe n’indaya.
Gusa nk’uko inkuru yasohotse tariki ya 16 Gicurasi 2022 ibivuga, Visi Perezida wari mu ruzinduko rw’akazi i Maputo yatangaje ko aya makuru nta yo azi, ariko yiyemeza kuyashaka.
Tsogwane yagize ati: “Tugiye kubanza kubimenya, turi kubishakaho amakuru kubera ko nta nkuru kuri iki kibazo nari nabona.”
Visi Perezida kandi yavuze ko bagiye kongera umurava mu ngabo za Botswana ziri muri Cabo Delgado. Ati: “Tuzareba uburyo abasirikare bacu bakoreramo maze tubatere umurava.”
Izi ngabo ziri mu butumwa bw’umuryango w’akarere ka Afurika y’amajyepfo, SADC, buzwi nka SAMIM, zageze muri Cabo Delgado guhera muri Kanama 2021.
