Ishyirahamwe ry’umupira w’amaguru muri Afurika, CAF, ryongereye amafaranga yahembwaga abatsinze amarushanwa yose kuva mu 2017 kugera mu 2020.
[ad id=”44145″]
Ibi bikaba bivuze ko abazatwara Igikombe cya Afurika bazajya bahembwa miliyoni 4 z’amadolari, mu gihe ikipe y’igihugu ya Cote d’Ivoire iheruka kwegukana igikombe cy’ubushize yahembwe miliyoni 1,5 gusa mu 2015.
Uzatwara igikombe cy’amakipe yabaye aya mbere iwayo kandi azahembwa miliyoni 2,5 z’amadolari mu gihe hari hasanzwe hatangwa miliyoni 1,5 nk’ayo ikipe ya Mamelodi Sundowns iherutse guhembwa mu kwezi gushize.
[ad id=”44145″]
Muri icyo gihe nk’uko iyi nkuru dukesha BBC ikomeza ivuga, amafaranga azahabwa uzatwara igikombe cy’ibihugu byo muri Afurika mu bagore, azongererwa agera ku 80,000 mu mwaka wa 2019 avuye ku 50,000 muri uyu mwaka.
Aya mafaranga ariko ngo akaba ari macye cyane ugereranyije n’amafaranga ahabwa ikipe yabaye iya nyuma ku mugabane wa Afurika mu bagabo.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
