Kuri uyu wa Mbere, itariki ya 6 Mata 2026, Minisiteri y’ububanyi n’amahanga ya Cameroun yashyize ahagaragara urutonde rw’abenegihugu 16 b’iki gihugu bakoraga mu karere kihariye k’ibikorwa bya gisirikare, ijambo rikoreshwa n’u Burusiya mu gusobanura intambara yo muri Ukraine. Uru rutonde rw “abapfuye” rwatanzwe na Ambasade y’u Burusiya i Yaoundé.
Guverinoma ya Cameroun yemeje aya makuru, ibinyujije mu itangazo rya minisiteri y’ububanyi n’amahanga, ivuga impfu z’abaturage bayo cumi na batandatu bagize uruhare mu bikorwa bya gisirikare iruhande rw’Ingabo z’u Burusiya.
Bapfiriye mu “bikorwa bidasanzwe bya Gisirikare”
Inyandiko yavuye muri Ambasade y’u Burusiya i Yaoundé yakiriwe, ku itariki ya 5 Werurwe 2026, na Minisiteri y’ububanyi n’amahanga ya Cameroun. Irerekana ko impfu z’abo benegihugu cumi na batandatu zabereye mu “gace k’ibikorwa bya gisirikare bidasanzwe,” ijambo Moscou yakoresheje mu gusobanura intambara yatangije kuri Ukraine muri Gashyantare 2022.
Abayobozi bemeza ko hafashwe ingamba kandi ko iki kibazo kizakurikiranwa mu gihe gikwiye.
Yaoundé yongeye gushimangira kandi ko igiye kurushaho kuvugana na Ambasade y’u Burusiya, mu rwego rwo kwerekana impungenge zikomeje kugaragara ku kwinjiza mu gisirikare abenegihugu ba Cameroun baba mu mahanga.
