Ambasade z’ibihugu bya Canada, Norvege, u Bwongereza n’u Busuwisi i Kinshasa, zasohoye itangazo zivugamo ko zihangayikishijwe n’ikurwaho ry’ihagarikwa ry’igihano cy’urupfu muri Repubulika ya Demokarasi ya Congo.
“Kubw’amahame, twamaganye igihano cy’urupfu ku mpamvu izo ari zo zose. Turatekereza ko ikoreshwa ry’igihano cy’urupfu ribangamiye icyubahiro cya muntu … nta kimenyetso simusiga cyerekana agaciro kacyo ko gukumira kandi ko ikosa iryo ari ryo ryose ry’ubucamanza riganisha ku ishyirwa mu bikorwa ryacyo ritasubirwamo.”
Iri tangazo rikomeza ryibutsa ko hejuru ya bibiri bya gatatu by’ibihugu byo ku Isi byakuyeho igihano cy’urupfu mu mategeko no mu ishyirwa mu bikorwa ryacyo, kandi ko bakorana na bagenzi babo mpuzamahanga mu gushyigikira ikurwaho ry’igihano cy’urupfu ku rwego rw’Isi. “ Twizeye ko Repubulika ya Demokarasi ya Congo izahitamo kwiyunga kuri izi ngufu.”
One Response
Canada, Norvege, u Bwongereza n’u Busuwisi bamaganye igihano cy’urupfu cyagaruwe muri RDC
Kwica umuntu kandi nawe ejo uzapfa,ni ukudatekereza,uko wamwica kose.Haba mu ntambara,haba mu bugizi bwa nabi cyangwa se mu gihano cy’urupfu.Imana yaturemye,niyo yonyine ifite uburenganzira bwo kwica abantu bakora ibyo itubuza.Urugero,yishe abantu bose bali batuye isi ku gihe cya Nowa.Ni nako izabigenza ku munsi w’imperuka ushobora kuba wegereje.Izica abantu bose bakora ibyo itubuza,isigaze abayumvira gusa izaha.Soma Yeremiya 25,umurongo wa 33.