Ubutabera bw’u Bufaransa bwasohoye impapuro mpuzamahanga zo guta muri yombi Carlos Ghosn wahoze ari umuyobozi w’ihuriro Renault Nissan (RNBV), mu rwego rw’iperereza ryakorewe i Nanterre (Hauts-de-Seine) cyane cyane ku gukoresha nabi umutungo w’ibigo no kunyereza amafaranga nk’uko ubushinjacyaha bwa Nanterre bwabitangarije AFP kuri uyu wa Gatanu.
Uyu mugabo ufite ubwenegihugu bw’u Bufaransa, ubwa Libani n’ubwa Brazil, yagombaga kuburanishirizwa muri Tokiyo kubera kunyereza umutungo, aba i Beirut yatoroka buryo budasanzwe ava mu Buyapani mu mpera za 2019.
Muri Nanterre, abakora iperereza bashishikajwe na miliyoni hafi 15 z’Amayero yishyuwe mu buryo buteye amakenga hagati ya RNBV (Renault–Nissan–Mitsubishi Alliance) n’ukwirakwiza imodoka z’uruganda rukora imodoka rwo Bufaransa muri Oman, ari we Suhail Bahwan Automobiles (SBA).
Ihuriro Renault – Nissan – Mitsubishi, ubusanzwe rizwi ku izina rya Renault – Nissan Alliance, ni ihuriro ry’inganda zikora imodoka z’Abafaransa n’u Buyapani zikora imodoka za Renault, Nissan na Mitsubishi Motors, zigurisha zose hamwe imodoka zirenga 1 muri 9 zigurishwa ku Isi.
