Umujyi wa Bambari wa kane mu bunini muri Centrafrica wari wigaruriwe n’inyeshyamba kuri uyu wa Kabiri, ubu uragenzurwa n’ingabo z’Umuryango w’Abibumbye n’iza Leta nyuma yo kwirukanamo izi nyeshyamba.
“Ibintu muri Bambari byasubiye mu buryo,” uyu ni Abdoulaziz Fall, umuvugizi wa MINUSCA, mu kiganiro n’itangazamakuru i Bangui kuri uyu wa Gatatu nk’uko tubikesha Al Jazeera.
Yakomeje agira ati “Abaturage batangiye gusubirayo. Abitwaje ibirwanisho basubijwe inyuma mu ishyamba.”
Inyeshyamba zo mu mutwe wa UPC zari zigaruriye Umujyi wa Bambari kuri uyu wa Kabiri nyuma y’imirwano y’amasaha abiri yazihuje n’ingabo za MINUSCA.
Soma inkuru bisa hano hasi
