Umunyamerika Carlos Ray wamamaye muri filime no gukina imikino njyarugamba nka Chuck Norris, yapfuye ku myaka 86 y’amavuko.
Urupfu rwe rwemejwe n’umuryango we, mu butumwa wanyujije ku mbuga nkoranyambaga.
Wavuze ko uriya mukambwe yapfuye ejo ku wa Kane, wungamo ko “yapfuye akikijwe n’umuryango we kandi mu mahoro.”
Mu myaka ya 1960, Chuck Norris yari umwe mu bakinnyi bakomeye ba karate ku Isi, ndetse ubucuti yari afitanye na rurangiranwa mu mikino njyarugamba, Bruce Lee, bwatumye bombi bahurira muri filime yitwa The Way of the Dragon yakunzwe n’abatari bake.
Nyuma y’aho mu myaka ibarirwa muri 20 yakurikiyeho, Norris yakunzwe mu zindi filime zitari nke zirimo nka Invasion USA na The Delta Force, cyo kimwe n’izindi nka Walker na Texas Ranger.
