Icyorezo cya Coronavirus gikomeje gushinga imizi muri bimwe mu bihugu bigize Umuryango wa Afurika y’Iburasirazuba aho ku munsi w’ejo gusa abageze ku 185 habonetse mu bihugu bitatu gusa.
Mu bihugu bikomeje kugaragaramo umubare munini w’abanduye covid-19 harimo Kenya aho ku munsi w’ejo gusa hagaragaye abanduye 104 mu bipimo 2,820 byafashwe bituma umubare w’abamaze kwandura bose ugeraku bantu 4,478. Abantu 36 ku munsi w’ejo kandi barakize bituma umubare w’abamaze gukira murinKenya ugera ku bantu 1,586.
Mu Rwanda ejo hagaragaye abanduye 41 mu bipimo 4,116 byafashwe bituma umubare w’abamaze kwandura ugera ku bantu 702,hakize abantu 6 abakize bahita baba 357. Ku munsi w’ejo nta muntu wapfuye.
Mu gihugu cy’u Burundi ho ku munsi w’ejo gusa handuye abantu 40 mu bipimo 532 byafashwe nk’uko itangazo rya Minisiteri y’Ubuzima muri iki gihugu ryabitangaje.Kugeza ubu mu Burundi, abamaze kwandura iyi virusi bamaze kugera ku bantu 144. Nta muntu wapfuye ku munsi w’ejo azize iyi virusi muri iki gihugu.
