Umugore witwa Crystal Bassette ukomoka mu mujyi wa New York aratangaza uburyo yakinnye filimi z’urukozasoni (Pornographic films) nyuma akaza kubivamo akiyubakira urusengero kugeza ubu akaba ashaka no kuba umupasiteri.
[xyz-ihs snippet=”google-pub”]
Uyu mugore w’imyaka 33 y’amavuko avuga ko yakoze uyu mwuga wo kwicuruza agamije gushakira imibereho umwana umwe w’umuhungu yari afite, Justin kuri ubu ufite imyaka 16.
Uyu mugore avuga ko byaje kumuhira kuko byibuze yakoreraga amadolari ibihumbi 30 ku kwezi aho yakinaga yitwa Nadia Hilton muri izo filimi z’ubusambanyi.
Crystal Bassette akomeza avuga ko akibona filimi ye ya mbere yamuteye ihungabana ariko agahatiriza agakina n’izindi zisaga 100 kugeza ubwo yageze ku ntego ze zo kubona amafaranga nk’uko yabyifuzaga.
Nyuma rero ngo yaje kuyoboka urusengero aho yanahuriye n’umusore David w’imyaka 26 y’amavuko kuri ubu, bakaba bamaze no kubyarana abandi bana 2.
Uyu mugore avuga ko yahuye n’Imana mu rusengero kugeza ubwo yaje no kwiga kwigisha ijambo ryayo abifashijwemo n’uyu mugabo we na we wari umuvugabutumwa, byongeye ko bari banafite amafaranga bakabasha kwishingira iryabo dini kuri ubu akaba ashaka kuba Pasiteri waryo.
[xyz-ihs snippet=”google-pub”]
Avuga ko filimi yakinnye zakunzwe cyane ku buryo zarebwaga cyane muri California, mu majyaruguru ya Carolina, n’ahandi.
Yaranzwe n’ibikorwa by’urukozasoni birimo kurara mu tubari no mu tubyiniro, gupiganwa mu myiyereko (modeling) n’ahandi hatandukanye hataheshaga Imana icyubahiro.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
