Umuhanzi Diamond ukomoka mu gihugu cya Tanzaniya hamwe n’umugore we Zari n’umwana wabo Tiffah, bagaragaje umunezero bagiriye mu ruzinduko bagiriye ku mugabane w’Uburayi, nyuma y’amafoto yabo banyanyagije ku mbuga nkoranyambaga.
Nk’uko byagaragaye ku rukura rwa Instagram rwa Zari, yagaragaje amafoto menshi yabo bombi bari mu munezero mu ruzinduko bagiriye mu gihugu cya Swede.
Uru ruzinduko rukozwe nyuma y’iminsi mike bigaragaye neza ko uyu mwana w’umukobwa Zari yabyaye ari uwa Diamond nyuma y’ibisubizo by’ibizamini ADN bagiye gukoreshwa muri Afurika y’Epfo.
Uyu mwana akivuka byateje impaka ndende, Ivan wari usanzwe ari umugabo wa Zari ndetse banafitanye abana 3, yavugaga ko ari we wateye iyi nda ndetse binavugwa ko Diamond atabyara, ibizamini byakoreshejwe nibyo byaciye urubanza byemezwa ko Tiffah ari uwa Diamond.
Biteganywa ko uyu muhanzi Diamond azanataramira abafana be ku wa 1 Mata 2016, i Brussels mu Bubiligi igitaramo kizanaririmbwamo umuhanzi Nyarwanda, Seleman Uwihanganye uzwi ku ndirimbo nka Pommes, Sinabikora, Ndakubona yakoranye na Jay Polly,…
Kanda hano ujye ubona amakuru yihuse kandi kugihe kuri Facebook no kuri twitter
Kamikazi Gentille/Bwiza.com
