Rutahizamu Diego Costa, agiye gusubira mu ikipe yahozemo, nyuma y’amasezerano ikipe ya Chelsea ibarizwa mu gihugu cy’Ubwongereza, yagiranye na Atletico Madrid yo muri Espagne.
Aya masezerano amakipe yombi yagiranye avuga ko uyu mukinnyi azerekeza muri Atletico Madrid muri Mutarama 2018, akazatangwaho miliyoni 60 z’amayero.
[xyz-ihs snippet=”google-pub”]
Diego Costa w’imyaka 28 yaje muri Chelsea mu mwaka wa 2014, icyo gihe akaba yaravuye muri Atletico Madrid aguzwe miliyoni 32 z’amapawundi.
Biteganyijwe ko Costa mbere yo kwerekeza mu ikipe yahozemo, azabanza gutanga urutonde rw’ibyo yifuza, ndetse akanapimwa uko ubuzima bwe buhagze.
Kugeza ubu uyu mukinnyi ntarakandagira mu kibuga kuva uyu mwaka w’imikino watangira, akaba amaze igihe yibera iwabo muri Brezil.
Kanda hano ubone amakuru yihuse kandi ku gihe kuri Facebook no kuri twitter
Jean de Dieu Dushimimana/Bwiza.com
