Laboratwari yitwa ‘À Dieu la Gloire’ yo mu mujyi wa Beni muri Repubulika Iharanira Demokarasi ya Kongo yamaze gutangaza ko yakoze umuti uvura icyorezo cya Covid-19 witwa ‘Covigonum.’
Uyu muti w’amazi wakozwe hifashishijwe ibimera wakorewe muri iyi Laboratwari ukaba wamaze kwemezwa na Kaminuza Gatolika ya Greben iherereye mu Mujyi wa Butembo mu Ntara ya Kivu y’Amajyaruguru.
Dr Germain Kitoko, ukuriye ubushakashatsi muri iyi Laboratwari yawukoze,yatangaje kuri uyu wa 15 Gicurasi 2020 ko basabye Guverinoma kuwugerageza kugirango ubashe kwifashishwa mu kuvura abarwayi ba Covid-19 no kuyihashya. Ibi akaba yabivuze ubwo yamurikiraga uyu muti Guverineri ya Kivu y’Amajyaruguru.
Yagize ati “Twahuye n’abashinzwe ubuzima ku rwego rw’Intara na Guverineri. Intego yacu ni uguhura na Minisitiri w’Ubuzima ku rwego rw’igihugu kugirango harebwe uko wasuzumwa.
Radiyo Okapi yo muri iki gihugu yatangaje ko uyu utaba ari wo muti wa mbere iyi Laboratwari ikoze kuko hari iyindi miti iri ku masoko ivura indwara zitandukanye yagiye ikorerwa muri iyi laboratwari.
Muri DR Congo hamaze kwandura abarwayi ba Covid-19 bagera 1370 mu gihe abantu 61 bahitanywe nayo naho 229 barayikize.
Repubulika Iharanaira Demokarasi ya Congo mu gihe yakwemeza uyu muti yaba ibaye igihugu cya kabiri gitangaje ko cyakoze umuti w’iyi ndwara muri Afurika nyuma ya Madagascar.
2 Responses
DR Congo:Hari Laboratwari yatangaje ko yavumbuye umuti wa Covid-19
Abanyanfrika mukazanye mugushakisha umuti wa covid19 .imana hari igihe yabakoresha.
DR Congo:Hari Laboratwari yatangaje ko yavumbuye umuti wa Covid-19
Abanyanfrika mukazanye mugushakisha umuti wa covid19 .imana hari igihe yabakoresha.