Raporo iherutse gutangwa na komite ishinzwe kurengera abanyamakuru (CPJ), irerekana ishusho mbi kuri Afurika yo munsi y’Ubutayu bwa Sahara aho itangazamakuru rinigwa ntirihabwe ubwisanzure.
Iyi raporo igaragaza ko umubare w’abanyamakuru bafunzwe wavuye kuri 31 muri 2022 ugera kuri 47 kugeza taliki ya 1 Ukuboza 2023.
CPJ ishyira Eritereya ku isonga mu guhonyora ubwisanzure bw’itangazamakuru muri Afurika, aho kugeza ubu abanyamakuru 16 bafunzwe. Iki gihugu gifite umwanya wa karindwi ku isi mu manza zimaze igihe kinini z’abanyamakuru bafunzwe nta byaha baregwa.
Raporo ya CPJ yerekana ko Etiyopiya ikurikira Eritereya kuri uwo mwanya , aho abanyamakuru 8 bafunzwe kandi hakaba hari impungenge ko uyu mubare uzakomeza kwiyongera.
Cameron nayo iza ku rutonde rwa hafi mu bihugu byo muri Afurika bihonyora abanyamakuru ku rwego rwo hejuru aho abenshi usanga basezera uyu mwuga batinya ko bahuriramo n’ibibazo bya politiki.
Nk’uko iyi raporo ibigaragaza, umubare w’abanyamakuru ba Etiyopiya bafunzwe nawo ugenda utumbagira , umunsi ku wundi.
Muri Repubulika Iharanira Demokarasi ya Kongo (DRC),naho havugwa ikandamizwa ry’abanyamakuru.Hatangwa urugero rw’umunyamakuru Stanis Bujakera Tshiamala wakoreraga Reuters na Jeune Afrique.
Uyu munyamakuru, amaze igihe afungiye muri Geteza ya Makara azira kutagendera ku murongo wa Leta.
