Perezida wa Federasiyo y’igihugu y’umupira w’amaguru, Nzamwita Vincent de Gaulle ari Addis Abeba muri Etiopiya mu nama rusange y’impuzamashyirahamwe y’umupira w’amaguru muri Afurika CAF, yatangiye kuri uyu wa gatatu tariki ya 15 Werurwe 2017.
[xyz-ihs snippet=”google-pub”]
Iyi nama yabereye ku cyicaro cya Afurika yunze ubumwe, ifite insanganyamatsiko ivuga ku mpinduka mu mupira w’amaguru nyafurika igira iti” Umupira w’amaguru na politiki muri Afurika, imikoranire ndetse n’ubwuzuzanye.”
Iyi nama ifite intego yo kubaka ubunararibonye bw’umupira w’amaguru muri Afurika, ndetse no kuwuteza imbere mu ivugurura nka bimwe mu byo iyi federasiyo nyafurika irangaje imbere.
Iri huriro kandi rirareba ku byiciro bitandukanye bigaragaza uruhare rwa Afurika mu guteza imbere umupira w’amaguru, hatezwa imbere urubyiruko muri iyi mpano yo gukina umupira.
Harareberwamo kandi uruhare rwa za Guverinoma kuva ibihugu byinshi bya Afurika byabona ubwigenge mu guteza imbere umupira nyafurika ndetse no mu rwego rw’isi, ahazava inkunga yo kuwuteza imbere, uburyo bigomba gukorwa, icyo bizafasha mu bijyanye n’ubukungu, n’ibindi.
Muri iyi nama kandi harigirwamo ibijyanye n’uburenganzira bw’abakinnyi, amategeko abarengera haba mu gusinya amasezerano guteza imbere uyu mukino ku bitsina byombi n’ibindi.
[xyz-ihs snippet=”google-pub”]
Iyi nama biteganyijwe ko iteraniramo abagera kuri 500 barimo abakozi muri CAF, abahagarariye ibihugu byabo muri za federasiyo z’umupira w’amaguru ndetse na bamwe mu bakinnyi bakomeye ku mugabane bazwi cyane guhera mu myaka yashize.
Uretse ibi bizareberwa hamwe muri iyi nama, hazanatorwa Perezida wa CAF mu matora ateganyijwe ku itariki ya 16 Werurwe 2017.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
