Kuri uyu wa Gatanu, itariki ya 20 Gicurasi, umuvugizi w’ibikorwa bya gisirikare bya Sokola 2, Lt. Col. Guillaume Njike yashinje umutwe wa M23 kuba yararenze ku ihagarikwa ry’imirwano muri Kivu y’Amajyaruguru.
Abakuru b’ibihugu bya Congo na Kenya bari bahamagariye imitwe yitwaje intwaro mu Ntara ya Ituri na Kivu zombi gushyira intwaro hasi, nyuma y’inama zabereye i Nairobi muri Mata.
Uyu musirikare mukuru arashinja uyu mutwe w’inyeshyamba kuba wagabye igitero ku irondo ry’ingabo za Repubulika ya Demokarasi ya Congo (FARDC) zerekezaga ku birindiro byazo bya Kabasanza, muri Gurupoma ya Jomba.
Nk’uko iyi nkuru dukesha Radio Okapi ikomeza ivuga, Lt. Col. Guillaume Njike ariko yemeza ko ubu FARDC ari yo iri kugenzura ibintu.
Kuri we, iki gitero gishya gishimangira itangazo ryatangajwe ejobundi n’umutwe w’inyeshyamba wo kongera gutangiza imirwano.
Ibirego byanzwe na M23, ku ruhande rwayo, ishinja FARDC kuba yarateye ibirindiro byayo kuva ku wa gatatu, itariki18 Gicurasi.
Kuri izo nyeshyamba, FARDC ngo yanakajije imirongo yayo y’urugamba.
