Muri Repubulika ya Demokarasi ya Congo (DRC), umuyobozi utavuga rumwe n’ubutegetsi Martin Fayulu yagize icyo avuga. Mu butumwa bwatangajwe ku mbuga nkoranyambaga kuri uyu wa Mbere, itariki ya 2 Kamena 2025, yatangije icyo yiswe “guhamagarira inshingano.” Ni mu butumwa bugufi, iminota itatu gusa, nk’igisubizo ku butumwa uwahoze ari perezida, Joseph Kabila, yatanze mu minsi nk’icumi ishize.
Kuri Martin Fayulu, ibintu birakomeye aho yagize ati: “Nta gushidikanya ko turi mu masaha y’umwijima cyane mu mateka yacu.” Yakomeje agaragaza ko ahangayikishijwe na “balkanisation” cyangwa gucamo ibice RDC, imwe “twatinyaga kuva mu 1960”, umwaka Congo-Kinshasa yaboneyeho ubwigenge.
Martin Fayulu yahise agenera ubutumwa abo abona ko ari bo nyirabayazana y’ikibazo kiriho: Corneille Nangaa, Joseph Kabila na Félix Tshisekedi.
Ku wa mbere, umuyobozi w’Ihuriro rya politiki na gisirikare, AFC / M23, amusaba kureka kuba “icyitso cy’ubwo bwicanyi” aho yizera ko “nta nzozi zikwiye kuba ikiguzi cy’imibabaro y’abaturage bose.”
Ku bijyanye n’uwahoze ari perezida, Kabila, wayoboraga iki gihugu kuva mu 2001 kugeza 2019, Martin Fayulu ntiyishimiye kuba yaragiye i Goma, mu burasirazuba bwa RDC, ibyo we abona ko ari “ubufatanye n’abasenya igihugu cyacu.”
Uyu mugabo wari umukandida mu matora ya perezida ya 2018 na 2023 akomeza agira ati: “Inzira imwe rukumbi yo gucungurwa ni ibiganiro, ntabwo ari ibyumvikanwaho.”
“Ikiganiro kiziguye” na perezida w’igihugu
Naho Perezida Félix Tshisekedi, Martin Fayulu amusaba “kutareka ibisekuru byacu bikaba ari byo bibona Congo isenyuka.”
Uyu muyobozi w’ishyaka Ecidé akomeza aramburira ukuboko Tshisekedi agira ati: “Sinshaka guhura namwe kubw’impuhwe, ahubwo ni kubw’ikiganiro nyacyo.”
Martin Fayulu Kandi yatangaje ko ashyigikiye gahunda y’Ihuriro ry’Amatorero muri Congo. Ni mu gihe abayobozi b’amadini bategereje kwakirwa n’umukuru w’igihugu.
