CurĂ© Ngoma ukunze kumvikana avuga ko ari Muvugizi wa FDLR, inyeshyamba zirwanya u Rwanda, avuga ko gufatwa kwa Col. Nshimiyimana Augustin, ari ikintu gikomeye kuri bo bafata nk’igihombo. Nshimiyimana yafatiwe mu gace kitwa Rubaya ka Teritwari ya Masisi mu Ntara ya Kivu ya ruguru, nk’uko umuvugizi wa FDLR abivuga. Ngoma yavuganye na BBC, aravuga ati ” Gufatwa kwa Nshimiyimana tutazi aho yajyanywe, ni ikintu gikomeye kuri FDLR kuko gutakaza umuntu ni igihombo, ariko ni urugamba mu rundi.” Kuri iyi ngingo, ikimenyerewe ni uko bamwe mu bandi barwanyi b’imitwe irwanya ubutegetsi bw’u Rwanda bafatiwe muri DR Congo, boherejwe mu Rwanda aho hari abajyanywe mu nkiko. Col Nshimiyimana yabaye uwungirije ushinzwe iperereza muri FDLR hagati ya 2011 na 2019. Umutwe wa FDLR wagiye ucibwa intege n’ifatwa cyangwa kwicwa kwa bamwe mu bawukuriye nka Gen. Sylvestre Mudacumura, ubu wasimbuye na Gen. Pacifique Ntawunguka uzwi nka Omega. Hari n’abandi nka Laforge Fils Bazeye wari umuvugizi wayo, Abega wari ushinzwe iperereza nabo bagejejwe imbere y’inkiko zo mu Rwanda. Kurikira ibiganiro n’amavidewo binyura kuri Bwiza TV
