Ubushinjacyaha ku Rwego Rwisumbuye rwa Gasabo bwakiriye dosiye iregwamo umugore watwitse umugabo we batasezeranye amumenyeho isombe ishyushye yaratetse amuziza y’uko ngo yagiye kuguza amafaranga batabyumvikanyeho.
Ubushinjacyaha Bukuru dukesha iyi nkuru buvuga ko uyu mugore yabajijwe akemera icyaha akanagisabira imbabazi avuga ko yabikoze abitewe n’umujinya.
Hagati aho, iyi dosiye iracyategurwa mbere yo gushyikirizwa urukiko.
Icyaha cyo gukubita no gukomeretsa ku bushake, iteganywa n‘ ingingo ya 121 y‘ Itegeko nº 68/2018 ryo ku wa 30/08/2018 riteganya ibyaha n’ibihano muri rusange.
