Minisiteri y’ububanyi n’amahanga ya Qatari iravuga ko agahenge gatangira saa moya za mu gitondo kuri uyu wa Gatanu naho abantu bashimuswe ba mbere babohorwe saa kumi z’umugoroba.
Minisiteri y’ubuzima muri Gaza ivuga ko ihagarika guhuza ibikorwa byo kwimura abantu mu bitaro ifatanyije na OMS nyuma y’uko Israel ifashe umuyobozi w’ibitaro bya al-Shifa nk’uko tubikesha Al Jazeera.
Imiryango y’abajyanywe bunyago bo muri Israel iragaragaza akababaro kandi ishinja guverinoma kubura amakuru mu gihe hagitegerejwe ko amasezerano akomeza.
Abantu barenga 14.500 biciwe muri Gaza kuva ku itariki ya 7 Ukwakira. Muri Israel, umubare w’abantu bapfuye mu bitero bya Hamas ugera ku 1200.
