Gen. Edward Katumba Wamala, umudepite wabaye Umugaba Mukuru w’Ingabo za Uganda na Minisitiri w’Umurimo n’Ubwikorezi, kuri uyu wa 2 Kamena 2021 yashimiye abamutabaye barimo umumotari, abamuhamagaye, abamwandikiye bamwifuriza koroherwa n’abamusuye ubwo yari amaze kuraswa n’abagizi ba nabi.
Mu gitondo cy’ejo ku wa 1 Kamena ni bwo imodoka yari itwaye Gen. Katumba, umukobwa we witwa Brenda Nantongo Wamala, umurinzi we Sgt. Khalid Kaboyoit yarashwe n’aba bagizi ba nabi bari kuri moto.
Muri icyo gitondo, Gen. Katumba na Brenda bari bagiye mu kiriyo cya nyirabukwe w’uyu mudepite, wari uherutse gupfa.
Brenda n’umushoferi wari utwaye iyi modoka, Kayondo Haruna, bapfiriye aho ngaho, bishwe n’amasasu barashwe n’aba bagizi ba nabi, Gen. Katumba arakomereka.
Aba bagizi ba nabi bamaze kwica aba bombi no gukomeretsa Gen. Katumba, bahise bacika.
Umumotari (boda boda) yageze aho Gen. Katumba yari yahungishirijwe, ashyira kuri moto uyu mudepite waviriranaga amaraso, amwihutishiriza ku ivuriro rya Malcolm Healthcare riri mu gace ka Kisasi yarasiwemo, abavuzi bamuha ubutabazi bw’ibanze.
Mu ishimwe ryihariye kuri uyu mumotari, Gen. Katumba ku rubuga rwa Twitter yagize ati: “Mu buryo bw’umwihariko, ndagira ngo nshimire umu-boda boda wampatiriye kujya kuri moto ye, kugira ngo njye guhabwa ubutabazi bw’ibanze. Kimwe na Malcolm Heatlthcare Kisasi kuri buri kimwe bakoze kugira ngo ntakomeza kuvirirana. Ubwo butabazi bw’ibanze bwaramfashije cyane.”
Mu bandi Gen. Katumba yashimiye, harimo umurinzi we, Sgt Kaboyoit wamukuye byihuse aho barasiwe, arasana n’abagizi ba nabi, ngo iyo atahaba, ntabwo byari kuba bibi kurushaho. Ati: “Ibintu byari kuba bibi.”
Gen. Katumba nyuma yo guhabwa ubutabazi bw’ibanze mu ivuriro rya Malcolm, yajyanwe mu bitaro bikuru bya Medipal International Hospital, aho ari kuvurirwa kugeza ubu.
Avuga ko ubu ubuzima bwe budateye impungenge, nyuma yo kubagwa, agakurwamo isasu rimwe muri abiri yarashwe. Gusa hari irindi avuga ko ryakomerekeje umutsi utwara amaraso ritaramukurwamo, akaba ategereje icyemezo abaganga bari bufate.
Kurikira ibiganiro n’amavidewo binyura kuri Bwiza TV
4 Responses
Gen. Katumba yashimiye motari wamutabaye, nyuma yo kuraswa n’abagizi ba nabi
Vyarikuba vyiza iyo umusesanguzi avuga abantu bapfa kumunsi mu Rwanda tukagereranya n’abavuka. Vyari kurushotiza kuba vyiza atubwiye uko population active ingana ugereranije n’aba dependents. Utavuze ibi, anaylis yiwe iba malthusianistic which has been proven as a colonial theory.
Gen. Katumba yashimiye motari wamutabaye, nyuma yo kuraswa n’abagizi ba nabi
Vyarikuba vyiza iyo umusesanguzi avuga abantu bapfa kumunsi mu Rwanda tukagereranya n’abavuka. Vyari kurushotiza kuba vyiza atubwiye uko population active ingana ugereranije n’aba dependents. Utavuze ibi, anaylis yiwe iba malthusianistic which has been proven as a colonial theory.
Gen. Katumba yashimiye motari wamutabaye, nyuma yo kuraswa n’abagizi ba nabi
Vyarikuba vyiza iyo umusesanguzi avuga abantu bapfa kumunsi mu Rwanda tukagereranya n’abavuka. Vyari kurushotiza kuba vyiza atubwiye uko population active ingana ugereranije n’aba dependents. Utavuze ibi, anaylis yiwe iba malthusianistic which has been proven as a colonial theory.
Gen. Katumba yashimiye motari wamutabaye, nyuma yo kuraswa n’abagizi ba nabi
Vyarikuba vyiza iyo umusesanguzi avuga abantu bapfa kumunsi mu Rwanda tukagereranya n’abavuka. Vyari kurushotiza kuba vyiza atubwiye uko population active ingana ugereranije n’aba dependents. Utavuze ibi, anaylis yiwe iba malthusianistic which has been proven as a colonial theory.