Umukinnyi wa filimi w’icyamamare muri Hollywood, George Clooney, umaze imyaka 40 muri showbiz kandi wubatse izina mu mwuga we, yahishuye impamvu igihe kimwe yanze ikiraka cyo gukorera miliyoni zisaga 30 z’amadolari ku munsi umwe.
Clooney yabajijwe na The Guardian ibijyanye na filime ye yenda gusohoka yitwa “The Tender Bar” ndetse niba atekereza ko afite “amafaranga ahagije ubu.”
Yasubije agira ati “Nibyo, yego. Nahawe miliyoni 35 z’amadolari y’akazi k’umunsi umwe ko kwamamaza indege, ariko naganiriye [n’umugore wanjye] maze twemeza ko bidakwiye. ”
George yerekeje ku mugore, Amal Clooney, bamaze igihe kinini bakorana ibikorwa byo kurengera uburenganzira bwa muntu, asobanura ko iyi sosiyete ifitanye isano n ‘“igihugu, nubwo ari inshuti ya Leta Zunze Ubumwe za Amerika, rimwe na rimwe gikemangwa mu bijyanye no kubahiriza uburenganzira bwa muntu.
Ati “ Bityo naratekereje nti:’ niba bintwara umunota umwe wo gusinzira kwanjye, ntibikwiye. ‘”
George na Amal w’imyaka 43, bashakanye muri 2014, bafite impanga z’imyaka 4, Ella na Alexander.
