Gitega: Abasirikare babiri bishe umuturage bamurashe amasasu 15

Abasirikare babiri bo mu Burundi, barasiye umuturage mu Ntara ya Gitega ahita apfa nabo bakaba batawe muri yombi, aho bagomba gushyikirizwa ubutabera.
Mu ijoro ryo ku Cyumweru tariki ya 25 Gashyantare 2018, nibwo aba basirikare Adj. Ndabahagamye Janvier hamwe na Capl. Chef Uwimbabazi Jonas, barashe umuturage witwa Ngenzi Evariste.
Bitangazwa ko aba basirikare barashe Evariste amasasu 15 bakoresheje imbunda ebyiri bari bafite, ahita apfa ubu nabo bakaba bagomba gushyikirizwa urukiko rwa Gitega.
Mu gihe Polisi itangaza ko icyateye aba basirikare kurasa uyu muturage kitaramenyekana, ngo bamurasiye i Jabe, muri zone ya Mutoyi, komine Bugendana, Intara ya Gitega.
Ngenzi Evariste warashwe ngo yari umunyamabanga w’ishyaka CNDD FDD riri ku butegetsi mu Burundi, mu gace ka Butoyi.