Perezida wa Guinea Bissau, Umaro Sissoco Embalo, yaseshe kuri uyu wa Mbere inteko ishinga amategeko y’igihugu cye maze asaba amatora y’abadepite mu mpera z’umwaka.
Mu ijambo yagejeje ku gihugu, perezida yavuze ko “ubwumvikane bucye bukomeje kandi bidakemuka” mu nteko ishinga amategeko. Yasabye ko hategurwa amatora y’abadepite byibuze mu Kuboza nk’uko tubikesha Africannews.
Perezida yagize ati: “Nahisemo gusubiza ijambo abaturage ba Guinea kugira ngo na none uyu mwaka bashobore guhitamo mu bwisanzure mu matora Inteko ishinga amategeko bifuza kugira muri manda ya cumi n’imwe”.
Inteko ishinga amategeko imaze igihe yiganjemo ishyaka African Party for the Independence of Guinea and Cape Verde (PAIGC). Ishyaka rya Perezida Embalo, Madem G-15, ntiryashoboye kugira ubwiganze mu matora yo mu 2019 ari abyo byateje amakimbirane hagati y’inteko ishinga amategeko n’ubuyobozi bukuru.
