Gusenga udacogora nibyo byatuma imvura igwa mu buzima bwawe-Pst Jimmy Muyango

12

Pastor wa Potter’ s Hand Church , Jimmy Muyango ashimangira ko gusenga byo nyine nibyo bishobora gutuma imvura y’ umuhindo ndetse n’iy’ itumba bigwa.
Kuri iyi ngingo, Pst Muyango ashishikariza abakristu gushakana umwete Imana biciye mu gusengana umwete kugirango Imana izabiyereke.
Aha yemeza ko ijambo ry’ Imana rigereranya imvura n’ amasengesho, imirima nayo isobanura imitima y’ abakiranutsi ndetse imbuto zigasobanura ijambo ry’ Imana.
Ati”  Imvura y’ ububyutse ituruka mu masengesho adacogora, ahoraho kuko bigoye cyane gusaba Imana mu gihe urebye hafi bisaba kureba kure(generations zizabaho utakibaho) kuko iyo umuntu asanze asaba amaramuko gusa bigira ingaruka kubazamukomokaho”.
Pst. Muyango yashimangiye ko umukiranutsi nyawe  atekereza gusigira umurage mwiza abamukomokaho abicishije mu masengesho yo guhozaho  , nk’ uko biboneka muri Yohani 17.
Yatanze ingero zifatika za Petero , Yakobo, Yohani, Pawulo n’ abandi bagiye basengera abantu bazabaho mu gihe batazi niyo mpamvu uyu munsi agakiza n’ ubutumwa bwiza bugenda bukwira impande zose z’ Isi.
Ati” Iyo umuntu asenze ntahita abona igisubizo ako kanya bifata igihe(Persistence breaks resistence) ndetse bigera kuri karindwi”.
Aha yatanze urugero rw’ amasengesho y’ umuhanuzi Eliya watakambiye Imana kugeza abonye ugutabarwa kwayo.
Agendeye ku mateka y’ umukambwe Simewoni wari utegereje Yesu imyaka myinshi amubona azanywe mu isinagogi akiri muto,  Pst. Muyango yagize ati” Ku Mana iyo umuntu amaze igihe kinini mu masengesho ahita abona ibimenyetso cy’ ibisubizo , kuba rero nta gicu umuntu abona ntibisobanura ko nta sezerano(imvura) afite ahubwo bisaba guhozaho”.
Mu rwego rwo gukomeze itorero, Past Muyango yasabye abizera kurushaho gufata umwanya uhagije wo gusenga ngo kuko hari ibibazo biri mu miryango bikeneye imvura.
Ati”Amasengesho azana impinduka ni amwe adacogora, adahwema , amwe arenga ibirere n’ inzuzi, asenya ibihome, amagerereza n’ ibindi bibazo bikomeye”.

Jimmy Muyango, Senior PASTOR Potter’s Hand Ministry/Kicukiro

Ku musozo w’ inyigisho ku isanganyamatsiko ivuga ku mbaragga zo gusenga mu kubona imvura y’ umuhindo n’ iy’ itumba, Pst Muyango yerekanye uburyo  nubwo intumwa y’ Imana Pawulo yari umuntu uciye bugufi yiratiye amasengesho n’ uumurimo mwiza yakoze mu kuvuga ubutumwa bw’ agakiza.
Yasabye abakristu kurushaho gusenga badacogora kugirango bazambikwa ikamba ry’ ubugingo.
 
Kanda hano wiyandikishe ( Subscribe) ubona ibiganiro, indirimbo kandi bishya mu mashusho

Musubize:

Tanga igitekerezo
Andika amazina