Gushaka uko Perezida Kabila yava ku butegetsi byahurije Abanyecongo i Burayi

Abagize Imiryango myinshi ya sosiyete sivile muri Repubulika Iharanira Demokarasi ya Congo bahuriye mu nama mu Bufaransa bigiramo uko perezida Joseph Kabila yava ku butegetsi.
Iyi miryango yahuriye mu Bufaransa muri Hotel Dolce iri mu ishyamba rya Chantilly, mu nama yasojwe ku wa kane w’iki cyumweru, tariki ya 17 Kanama itangiye ku wa 15.
Mu ibanga rikomeye bareberaga hamwe uko perezida Kabila yava ku butegetsi, byanze bikunze bitarenze mu mpera z’uyu mwaka.
Yari ihuje abayobozi b’imiryango itandukanye nka
Floribert Anzuluni, uyobora umutwe w’abavuzafilimbi
, Marcel-Héritier Kapitene na Gloria Senga bayobora Lucha, Sindika Dokolo uyobora umuryango mushya uherutse kuvuka yise Banyecongo muhaguruke( Les Congolais debout) ndetse n’umugabo wa Isabel dos Santos, umuyobozi mukuru w’ihuriro ry’abanyangola bacukura peteroli akaba n’umukobwa wa José Eduardo dos Santos.
Iyi nama kandi yitabiriwe n’abagize inama y’abepisikopi gatolika muri Congo ndetse n’abayobozi ba sosiyete sivile nka Georges Kapiamba na Jean-Claude Katende bayobora imiryango iharanira uburenganzira bwa muntu n’ubutabera.
Manda y Kabila yarangiye tariki ya 19 Ukuboza 2016, ariko urukiko rurinda itegeko nshinga ryamuhaye uvurenganzira bwo kuguma ku butegetsi kugeza habaye amatora ya perezida ya Perezida wa repubulika.
Kiliziya Gatorika yabwiye abari muri iyo nama ko abanyecongo bakwiye guharaguruka bagaharanira ko basimburana kuri uyu mwanya.
Iyi nama ije ikurikira imyanzuro y’Ihuriro ry’abatavuga rumwe na Perezida wa Repubulika Iharanira Demokarasi ya Congo, Joseph Kabila riherutse gutangaza ko rigiye gukora ibishoboka byose akava ku butegetsi bitarenze tariki ya 1 Ukwakira 2017.
[xyz-ihs snippet=”google-pub”]
Ni muri urwo rwego rwagaragaje indangaminsi y’ibikorwa bigamije kumugamburuza akava ku butegetsi nkuko Jeune Afrique ibigaragaza mu cyo yise itya ” RD Congo : l’opposition dévoile son plan pour « le départ de Kabila » ugenekereje mu Kinyarwanda ni ukuvuga ko Abatavuga rumwe na Leta bashyize ahabona ibanga bazakoresha ngo Kabila ave ku butegetsi.”
Icyo gihe ngo hazaba imyigaragambyo ihamagarira abaturage gusuzugura ubutegetsi guhera tariki ya 1 Ukwakira uyu mwaka.
Perezida Kabila yagiye ku butegetsi guhera mu mwaka w’ 2001, itegeko nshinga ririho muri iki gihugu ntabwo rimwemerera kongera kwiyamamaza kuko rigena manda ebyiri kandi yazisoje tariki ya 20 Ukuboza 2016.
Nyuma y’ibibazo by’umutekano muke n’ibindi byatumye hadategurwa amatora hasinywe amasezerano yo kubugumaho mu kimeze nk ‘inzibacyuho ariko hagategurwa amatora agomba gukorwa bitarenze mu mpera z’uyu mwaka wa 2017.
Ibyo byemejwe mu masezerano yasinyiwe i Saint-Sylvestre hagati ya Leta n’abatavuga rumwe nayo, ahagarariwe na Kiliziya Gatorika tariki ya 31 Ukuboza 2016.
[xyz-ihs snippet=”google-pub”]
Nyamara ariko komisiyo y’amatora yaje kwerura ko byoroheye indogobe kuba yaca mu ntoboro y’urushinge kurusha uko biyoroheye gutegura aya matora akaba muri uyu mwaka.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/Bwiza.com