Minisiteri y’Ubuzima mu Rwanda kuri uyu wa 28 Kamena 2020 yatangaje ko hagaragaye abantu 22 barimo 7 bo mu Karere ka Rubavu banduye Covid-19 mu bipimo 3002 byafashwe.
Mu mujyi wa Kigali habonetse abarwayi 6, muri Rusizi haboneka 8, muri Rubavu haboneka 7, mu gihe muri Kirehe habonetse 1.
Abamaze gukira iki cyorezo bageze kuri 443 barimo 30 b’uyu munsi.
Muri rusange abamaze kugaragaraho iki cyorezo muri iki gihugu ni 900, abakirwaye ni 455. Abapfuye ni babiri barimo umusaza w’imyaka 65 y’amavuko n’undi w’imyaka 24 y’amavuko.
