Minisiteri y’Ubuzima mu Rwanda kuri uyu wa 12 Nyakanga 2020 yatangaje ko hagaragaye abantu 38 banduye Covid-19 mu bipimo 3021 byafashwe.
Ababonetse muri Kigali ni 29 barimo itsinda ry’abafungiye muri za kasho. Harimo kandi 5 babonetse mu Karere ka Rubavu, 2 babonetse mu Karere ka Kirehe, 1 wabonetse muri Nyamagabe n’uwabonetse mu batwara amakamyo bashyizwe mu kato bakigera mu gihugu.
Abamaze gukira iki cyorezo bageze kuri 684 barimo 21 b’uyu munsi.
Muri rusange abamaze kugaragaraho iki cyorezo mu Rwanda ni 1337, abakirwaye bageze kuri 659. Abamaze gupfa ni bane barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko n’umusaza w’imyaka 78 y’amavuko.
