Nyuma yo kunanirwa kw’ubutumwa mpuzamahanga bwo gushyigikira umutekano, ingabo nshya zirimo kwitegura gukorera mu ngata abapolisi ba Kenya bari baroherejwe muri Haiti.
Kuhagera kuri uyu wa Gatatu ushize, itariki ya 1 Mata, kw’itsinda rya mbere ry’abasirikare ba Tchad bagera kuri 50 birerekana ko ibikorwa bishya byo kugarura umutekano byatangiye nk’uko bitangazwa na RFI.
Intego z’izo ngabo zirasobanutse: gukora ku bufatanye na Polisi y’igihugu cya Haiti n’Ingabo z’igihugu kugira ngo barandure udutsiko twitwaje intwaro binyuze mu bikorwa bya gisirikare bishingiye ku butasi, kubungabunga ibikorwa remezo n’imihanda, no kurengera abaturage mu gihe bubahiriza uburenganzira bwa muntu.
Ingabo zo guhashya udutsiko tw’ibirara byitwaje intwaro bigenzura igice kinini cy’umurwa mukuru, Port-au-Prince, zizakora ku nkunga y’ibiro by’Umuryango w’Abibumbye muri Haiti ndetse n’Umuryango w’Ibihugu byo muri Amerika.
Amaherezo, biteganijwe ko ingabo nyinshi z’amahanga ziturutse muri Afurika, Karayibe, no muri Aziya zizahagera zose zibarirwa mu 5.500.
